Daily Newspaper

December 12 climate summit UN leh UK in thleng dawn

5

Khawvela motorcycle market lian ber India atangin Harvey-Davidson te chu an inhnukdawk ta.

US motorcycle siamtute hian India ramah an hralh chhunzawm tawh lo va, a siam hna pawh an titawp zui nghal tawh bawk.

Toyota te pawhin India ramah tax lak a san em avangin an inbun belh tawh loh tur thu an lo sawi tawh bawk a.

Heng company pahnih ten India an chhuahsan hi foreign manufacturer te hip tuma chet la Prime Minister Narendra Modi tan chuan channa nasa tak tur a ni bawk.

Harley tena India an chhuahsan takah chuan $ 79 million vel zet restructuring costs a ni dawn a, northern India a Bawal plant an chhuahsan dawn bawk a ni.

He plant hi kum 2011 khan hawn niin harve-Davidson te hian local brand Hero leh Japan company Honda te chu an el pha meuh lo va. India ramah hian kum tinin motorcycles leh scooter maktaduai 17 vel hralh thin anga chhut a ni.

Mipui tam em emna India hi foreign automaker te tan hmun duhawm a ni lo viaua ngaih a ni a. General Motors te chuan kum 2017 khan India an chhuahsan tawh a, Ford te pawhin nikum khan Indian vehicle giant Mahindra & Mahindra nena thawh dun an lo kalpui tawh bawk.

US President Donald Trump chuan India tax lak sàn lutuk chu lo sawisel tawhin abik takin Harvey-Davidson bike te pawh hming hmerhin a sawi lang tel tawh bawk. India chuan 100% import tariff chu 50% ah a lo tihniam tawh chungin Harvey-Davidson te hi an che tha hlei thei chuang lo va.

Harvey te hian harsatna tawk hrim hrim bawkin kumin April leh June quarter-ah khan kum sawm hnua quarterly loss an neih hmasak ber tawngin an chief executive thar Jochen Zeitz hnuaiah hnathawk tam tak banin core market leh model thlurbing bik neia kal an tum tawh bawk.

Iconic US motorcycle brand hi kum 1903 khan din niin customer nghet tak neiin khawvel hmun tinah owners’ club din a ni.

Kum1969 khan classic road movie Easy Rider, Dennis Hopper, Peter Fonda leh Jack Nicholson te channa avangin khawvel huapah a lar zual phah a ni.

An bike siam a hming lema ‘hogs’ an tihte hi US, Brazil leh Thailand-a an factory ah te siam thin a ni a.

Harley te chuan baby boomer te thlurbingin US ah chuan model te zawk leh all-electric version te pawh siam an tum dawn bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy