Daily Newspaper

Deepika Padukone, Shraddha Kapoor leh Sara Ali Khan ten ruihhlo zuar nen inzawm an nei lo

10

Inrinni kaltaa Narcotics Control Bureau (NCB) ten ruihhlo lei leh hralh chungchanga inhnamhnawihna nei ni a ngaih Bollywood actress thu an zawh fiah Deepika Padukone, Shraddha Kapoor leh Sara Ali Khan te chuan ruihhlo zuar te nen inkungkaihna an nei lo niin NCB official ten an sawi a, hei hi heng milar te phone an man sak hnuah an chhui zuina atanga an hmuh dan a ni ta a ni.

Mumbai Mirror-in NCB official hnen atanga thu an dawn an tarlan danin, Deepika Padukone hi a manager Karishma Prakash nena an WhatsApp chat chungchang an zawhnaah Deepika hian ruihhlo a tih ngai loh thuin NCB te hi a chhang a, a manager nen hian cigarette chungchang an sawi niawmin tan a khawh bawk. Sara Ali Khan pawhin ruihhlo a tih ngai loh thu NCB hmaah a sawi a, Shraddha Kapoor pawhin WahstApp chat a CBD Oil (tip atanga siam a ni awm e) WhatsApp chat-a an sawi chu ruih nan ni lovin, taksa pawnlama inhnawih atan a tih niin a sawi ve bawk.

NCB hian heng milar te mobile hi an man sak a, an WhatsApp hlui te an chhui zuinaah heng milarte hi ruihhlo zuarte nen an inzawmna awm hmuhchhuah an nei lo niin an sawi a, NCB official chuan, “Tunah chuan technical evidence-ah chauh kan innghat a. Engmah man (ruihhlo) a awm lo. Heng actor-te hi ruihhlo zuar te nena an inkungkaih theihna awm pawh hmuh chhuah a la ni lo. An statement erawh court-ah pharh a ni ang,” a ti.

Hetianga Bollywood star-te NCB-in an chhui tak chiamna chhan hi June ni 14-a a Bandra, Mumbai-a a chenna ina inawkhluma an hmuh Bollywood actor Sushant Singh Rajput case kal zel kha a la ni a, SSR thihnaa mawhphurtu bera puh a ngaihzawng hlui Rhea Chakraborty WhatsApp chat-ah ruihhlo nena inkungkaihna nei Enforcement Directorate lamin an hai chhuah chu NCB kutah an hlan a, heta tang hian mi hrang hrang kangkai ta zel a ni.

(THE AIZAWL POST – Thalaite Huang)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy