Def Leppard-in Hollywood Walk of Fame-ah arsi an nei dawn ta

Def Leppard-in Hollywood Walk of Fame-ah arsi an nei dawn ta
Def Leppard chuan an pualin Hollywood Walk of Fame-ah arsi an nei ve dawn ta a, an puala arsi hawnna hi October ni 9, 2025-ah neih a ni dawn a, Walk of Fame-a arsi 2,825-na a ni ang. Def Leppard pual arsi hawnnaah hian Jon Bon Jovi leh Bruce Resnikoff, president & CEO Universal Music Enterpriuses te guest speaker an ni dawn bawk e.
Walk of Fame producer Ana Martinez chuan thuchhuah siamin, “Hollywood Chamber of Commerce chuan Hollywood Walk of Fame-ah Def Leppard chhuang takin kan lo welcome e… Def Leppard hian music history chauh ni loin, khawvela kalkawng hriathlawh berah pawh hniak nghet an hnutchhiah dawn ta a ni,” a ti.
Def Leppard hi Rock & Roll Hall of Fame-ah 2019 khan lak luh an lo ni tawh a, an album Hysteria chu US-ah maktaduai 12 chuang hralh theiin, ‘Pyromania’ pawh maktaduai 10 chuang an hralh thei a, Hysteria leh Adrenalize te chu Billboard 200 (US albums) chart No.1 an kai ve ve a, an hla ‘Love Bites’ chu Billboard Hot 100 (US singles) chart No.1 a kai thei bawk.