Border Roads Organisation kawng siam leh lei dawh project 75 a hawn thar zingah Mizoram atangin Lawngtlai- Diltlang- Parva Road a Ngengpuilui lei dawh a tel. Inrinni khan Union Defence minister Rajnath Singh chuan Sikkim atangin a rualin a hawng.
India ram state/ union territory hrang hrang 11-a BRO project 75, cheng vaibelchhe 2236 senga siam hawnna hi Mizoram larsap Dr Hari Babu Kambhampati chuan Raj Bhavan atangin inbiakhmuh theihna kaltlangin a telpui a. Ngengpuilui lui lei hi metre 125-a thui niin, chu Inrinni khan Raj Bhavan atangin inbiakhmuh theihna kaltlangin a telpui a. Heng project hi ramri dep hmun chhengchhia leh tlawhpawh harsa tak taka din a ni hlawm a. Ram venhimna leh ramri dep hmun kilkhawr zawka inkalpawhna tihhmasawn nana ruahman a ni a. Ramri dep tihhmasawnna tur a nih bakah a vela chengte dinhmun chawikan nana duan a ni bawk.
BRO project 75 zinga 2 hi Project Pushpak Aizawl hmalakna niin, Ngengpuilui lei bakah Andaman and Nicobar Islands-a North-South Road a ni. Ngengpuilui lei dawh hawn tak hian Parva leh a chhehvel Indo-Bangladesh leh Indo-Myanmar Border-ahte inkalpawhna tha zawk a siam dawn a ni. Project Pushpak Aizawl hian kum kalta chhung khan project 6 – kawngpui 3 an siam bakah lei 3 an dawh zo a ni.
Defence minister-in BRO project 75 a hawnah Mizorama lei dawh a tel
