Kejriwal-a’n a chief minister nihna a kalsan hnuah AAP chuan sorkar na la siam zui zel mah se, eptu party lian BJP leh Congress chuan a tawp hun a hnaih thu sawiin, AAP hruaitu chu na takin an bei zui a, a lo intiam tawhnate chu engmah a nih tak loh thu an sawi.
Delhi BJP president Virendra Sachdeva chuan, “Kum 10 chhung hian corruption chu a bo ta em? Delhi sorkar ah hian corruption leh induhsakna hleihluak hian bu a la khuar reng a, Kejriwal-a’n politics a luhchilh dawna a auhla ring takte an ni thin si a, mah se engmah a tihlawhtling ta lo chu a nih hi,” a ti a. Thil tithei dinhmuna kha chen a din chhung khan engmah a tihlawhtling ta si lo a, rin ngam a har zual ta khawp mai. Kejriwal-a zinkawng chu heti hian a tawp ta chu a ni mai e, midangteah phei hi chuan beisei san ngam chi pawh a ni tawh lo, a ti zui bawk.
Delhi Congress president Devender Yadav pawhin Kejriwal hi bei chhunzawm ve nghalin, “Tunge case lian tak awrhtu? Case neih vanga Supreme Court hial thlen ngai kha?” a ti a. A politics zinkawng chu BJP uite a nih rei em avangin an tawp chho ve dawn chu a ni ta mai, tiin. Delhi AAP sorkar chu BJP party peng pakhat a nih avangin Kejriwal pawhin a duh angin engmah a tithei zui ta lo, belh tlak a ni tawh lo, a ti zui bawk.
Tarlan tawh thin angin Delhi-ah hian AAP chuan sorkar na la siam mah se, chief minister Arvind Kejriwal chuan a CM nihna kalsanin, kar hmasa thawhlehni atang khan an party mi tho Atishi Marlena chu CM thar a ni a, ani hi Delhi CM hmeichhe pathumna a ni bawk.
Delhi a AAP sorkar tawp hun a hnaih thu eptuten an sawi
