Site icon The Aizawl Post

Delhi CM Kejriwal-an China bungrua boycott duh

Kan sipai ten huaisen takin China an hmachhawn a, keini pawhin he indonaah hian kan puih a ngai a ni, tiin Chief Minister of Delhi, Arvind Kejriwal chuan a sawi a. “China boycott ila, message khauh tak thawn ang u” tiin Delhi sorkarin Republic Day celebration a kalpuinaah a sawi.

Newspaper report-a China chuan ‘kan ram thenkhat a luah mek’ tih chungchang chu sawiin hei hi kan zavaia ngaihmawh tur a ni a ti bawk a.

“Tun hnai kum chhovah eng nge kan tih? Kawng lehlamah China-in kan ram luah a, a lehlamah China nena kan sumdawnna kan tilian zual a,” tiin Kejriwal chuan a sawi bawk a.

“China hi hausa zawkin kan siam a, kan pawisa hmangin ralthuam tam zawk an lei a, sipai tam zawk lakbelhin min bei a ni. Hei hi a dik lo,” tiin Kejriwal chuan a sawi zui bawk.

Tun hnaia China nena inbakkaihna thlengah pawh Kejriwal chuan, “Zirlai kan zir chhuak lo, keimahni kan inbei zawk. Tunlai hian judiciary kaihhnawiha inbeihna a awm mek niin ka hria a. Judiciary leh judge a thuneitu zawk nih tuma inbeih hi eng nge a tulna. Ram tana thil tha ber a ni hauh lo,” tiin a sawi bawk.

Exit mobile version