Delhi Congress in ‘Nyay Yatra’ nei dawn
Delhi Congresss chuan vawiin, November ni 8 atang hian ke a campaign beihpui thlakna ‘Nyay Yatra’ an nei dawn a, hei hi nakkum February thlaa assembly inthlan an hmachhawn tur campaign-na hmahruai a ni.
Congress president Mallikarjun Kharge chuan Yatra ah hian a tel tur thu sawiin, Delhi Congress hotu lu Devender Yadav pawhin an hruaitu lawk tak takte nen telkim an tum thu a sawi bakah, Rahul Gandhi-a’n Lok Sabha inthlan dawn a ‘Bharat Jodo Yatra’ a nei khan a hneh em avanga he thil hi rawtchhuak ve an nih thu a sawi bawk.
He ke a Delhi UT chhung campaign chhuah an neih turah hian assembly constituency zawng zawng kalchhuah vek an tum thu congress hruaitute chuan an sawi a, nitin kilometer 20-25 kal hman zel an tum bakah, zing dar 8 atanga chhuah tan ziah an tum thu an sawi.
Congress chuan kum 15 hnuah Delhi-a sorkar na siam ngei inbeiseina an nei lian leh tawh hle nia sawiin, AAP kal vung tak thin chu a reh telh telh niin an sawi a, a lehpek chu anmahni hun niin an sawi. Tin, he Yatra an neih turah hian an party worker zawng zawngte, MP hlui leh MLA hluite, social media lama an party tana thahnem ngai tak takte pawh an phur hle niin an sawi bawk.
Delhi Congress in ‘Nyay Yatra’ nei dawn
