Beisei loh tak leh India presidency tana hlawhtlinna turu tak ni turin G-20 member-te chuan inhnialna nasa tak awm karah ‘Ukraine paragraphs’ chungchangah thukhat vuaa awm theihin thuchhuah intawm an siam thei a. Hei mai bakah hian kar kalta Inrinni khan African Union chu member-ah an la lut bawk.
Final document tichhuahah US leh European Union leh G-7 ram te dinna chu pheta awmin chu mai bakah nikuma Bali-a G-20 summit a Russia demna tawngkam na tak chu pumpelhin a awm bawk a.
Diplomats leh offcials te chuan hetiang joint declaration awm theihna chhan chu Indonesia-India-Brazil-South Africa te tan kawh tlat vang tiin an sawi a. Joint declaration siam a nih thu hi India Prime Minister Narendra Modi chuan a puang zui a ni.
“Chanchin lawmawm em em puan tur ka nei a” tia sawiin Modi chuan, “Kan team te thawhrimna leh in thlawpna avangin New Delhi G-20 Leaders’ Sumit Declaration kan nei thei a ni. He Leader’s declaration kalpui hi ka rawt nghal e,” tiin a sawi zui a ni.
A hnua press conferene neihah India External Affiars Minister S. Jaishankar leh India G-20 Sherpa ni bawk chuan Indonesia, India, Brazil leh South Africa te tun hnaia G-20 thlengtu ram ni vek te tankawh tlat vanga thuchhuah intawm siam thei an nih thu a sawi a.
“Tute pawhin hma lain chetlakna an nei vek a, emerging market ram te chuan hmahruaiin history thlir pawhin kan thawkho tha reng a ni,” tiin Jaishankar chuan Non-Alignment Movement ram pali te chungchang chu a sawi a.
“Developing country a zawn zata G-20 president nihna chelh pali an awm tih hria ula” tia sawi bawkin Jaishankar chuan inremna a awm theih nana sawihona neih chu khirh tak a nih thu sawiin inremna an siam theih chhan chu Prime Minister Modi tan nat em vang tiin a sawi bawk.
Delhi declaration a awm theih nan hian tuna G-7+EU bloc President nihna chelh mek Japan chuan a thawh hlawk hle tih a ni bawk.
Nikuma Bali document-ah kha chuan Russia-in February 2022-a Ukraine a run ‘demna’ leh ‘pawi tihna’ ziah lan a nih laiin New Delhi Declaration ah thung chuan Ukraine indona chungchangah G-20 member te ‘national positions’ a inang lo tih chauha dah niin ‘ram tinte chuan ram dangte mahni inrelbawlna leh terrotorial integrity leh sovereignty chhuhsak tuma tharum emaw vauna emaw lakah an insum tur a ni’ tia dah a ni.
EU leh G-7 ram te an inhnuhhniam theihna chhan chungchangah officials te chuan duhthlan tur dang an nei lo va, declaration siam emaw siam miah lo emaw bak duhthlan theih an neih lo tiin an sawi a.
“G-20 statement siam ni thei lo se chuan newspaper headlines chuan G-20 awmze nei lo a ni ta emaw an ti ang a. G-20 chu bloc heng BRICS leh G-7 ten an hmetmit tawh an ti thei bawk a. Hei vang hian he platform hi tihnun a nih zel nan duhthlan tur dang a awm lo,” tiin senior EU official chuan a sawi.
New Delhi declaration hi paragraph 83 lai niin chung zingah chuan Ukraine war chungchang paragraph 8 a awm a, multilateral development bank tih chak te, crypto currency regulation mumal zawka kalpui te financial inclusion lama digital public infrastructure man te, ram rethei zawk te hma ngaia debt distress plan chak zawka kalpuite chu a tel a. Hei bakah hian climate change lamah pawh nasa zawka hmalak ni se tih a ni bawk.
Delhi Delcaration siam theihin awm
