Site icon The Aizawl Post

Delhi deputy CM man Aizawlah duhlohna lantir

Delhi deputy chief minister Manish Sisodia an man avangin Aam Aadmi Party Mizoram chuan Thawhtanni khan BJP office Aizawl kawtah duhlohna an lantir.
AAP Mizoram hruaitute chuan, an party dinchhuah chu BJP hlauh ber a nih avangin, kawng tinrenga nekchepin sawrkarna hmangsualin party dangte tan harsatna a siam nasa hle a. A bikin Delhi CM Arvind Kejriwal hnuaia sawrkar chu sawrkar laipui thiltihtheihna hian a bei nasa zual tih a sawi.
Manish Sisodia chhuah thuai chu AAP Mizoram duh dan a ni, tiin, ‘Narendra Modi leh a thuihhruai BJP hian mipui rorelna leh ram dan hi an duh duh dana an kalpui hi kan duh lo hle a, an thil diklo tihte bei turin theihtawp kan chhuah zel ang,’ an ti.
BJP-in Mizoramah thiam takin hnam chi bing politics an rawn chawlut mek tih AAP hian sawiin, sum hmatheh an neih chu ram tan a him loh bakah BJP lal hnu hian Kristian-te chu India ram hmun hrang hrangah nasa taka nekchep an ni mek tih a sawi bawk.

Exit mobile version