Aam Aadmi Party (AAP) chuan nakkuma Delhi inthlan awm turah mal din an tum thu an tichiang a, Congress te nena an thawhhona zel erawh a tibuai zui lo turah an ngai.
An party hotu, CM nihna kalsan hlim Arvind Kejriwal chuan Congress chu Haryana inthlanah an confi’ nasa zual hle nia sawiin, BJP hneh turin rin ngam an la harsa a, thawhpui zel tlak an ni em tih enchhin nan pawh Delhi inthlanah an maldin rih a tul thu a sawi.
Tin, Congress leh AAP hi seat siamrem chungchangah an inbe rem hlei thei lo nia sawi a ni a, inthlan campaign a hun chhoh tan tawh avangin AAP hian an mal din tur thu hi an tihchian vat a ngai niin an party boruak hrechiang ve vetute chuan an sawi bawk.
Delhi Pradesh Congress Committee president Devender Yadav chuan, Congress chu Delhi inthlan atan hian an tha tawk a, tling ngei tura chak taka an kal mek thu a sawi ve thung.
Congress leh AAP hi INDIA bloc a thawkho an ni a, Lok Sabha MP inthlanah BJP leh a thurualpuite beiin nghet takin an inhlawmkhawm a, hetih lai hian AAP hian sorkar na an siam mekna Delhi-ah hian maldin an thlang pawh hi politics chanchin hre deuhte chuan a awm viau tho niin an sawi bawk.
Delhi inthlanah AAP mal din dawn
