India khawpui Delhi chuan ruahsur tur intham ni ngeia sawi khawlum a tuar chho zel a, awm ngaihna a awm lo tan leh lek lek tawh nia sawi a ni.
Khawchin thlirna thenkhatin an tarlan danin, Delhi hian ruahtui a dawng chho tep tawh a, mahse a sur hun tur hi van sanga khaw awmdan inthlak thut thut vangin sawi dik thlap a har thu sawiin, hei vang hian khawlum hian zual lam a pan chho zel a ni.
Khawchin thlirtute chuan khawlum uap hi a hluar chho zel ang a, ni 2/3 chhung vel chu khawlum hi la zual zelin, nilaini chawhnu lam atang erawh chuan ruahtui an dawn theih hmel tawh niin an sawi ve bawk a, ruah a sur vek erawh chuan ruahtui thahnem tak an dawn hmel niin an sawi bawk.
Delhi khawlum hian nitin san lam a pan hret hret zel a, ruahtui a tla vat lo a nih phei chuan khawsak harsa zualte tan awm ngaihna a awm lo thuai dawn niin pawl thenkhat chuan an sawi bawk.
Delhi khawlum a zual chho zel
