Nimin Pathianni zing khan Delhi khawpui boruak chu boruak that dan tehnaah ‘Poor’ tih niin a tehna Air Quality Index (AQI) ah 292 lai a ni. Inrinni kalta darkar 24 chhung chawhrualin Delhi khawpui boruak chu AQI 248 a ni.
Hmanni deuh tawh khan Centre air quality hotute chuan National Capital Region-a thuneitute hnenah private motor te veivak te an lo tlem theih nan parking fee ti sang tur leh CNG emaw electric bus te leh metro trains te an lo vei vah tam theih nan an lo hrilh tawh a ni.
Delhi-ah chuan Pathianni zing khan temperature hniam lai berin 15.6 degree Celcius niin a nih dan pangai aiin degree 3-in a hniam a ni. Central Pollution ControlBoard (CPCB) sawi danin Pathianni Dar 11 Am khan Delhi-a Air Quality Index (AQI) chu 292 a nih thu an sawi a ni.
The Commission for Air Quality Management (CAQM) chuan Delhi Air quality chu la chhiat zel tur thu Inrinni khan a sawi a ni. Inrinni kaltaa Delhi Air Quality chu 248 niin hei hi ‘Poor’ category tih a ni a mahse dinhmun hrilh lawknain a tarlan danin hei aia la chhe tur leh ‘Very Poor category’-ah October 23 leh 24 hian a awm tur thu an sawi a, hei hi van lam boruak leh khaw awm danin a zir loh vang a nih thu CAQM te chuan an sawi a ni.
Delhi khawpui boruak chhe zual zel
