Daily Newspaper

Delhi khawpuiin pandemic ‘Herd Immunity’ hnaih hle tawh

14

Delhi-a serological survey tum hnihna neih hnuah epidemiologists te chuan Delhi khawpui chuan herd immunity a hnaih hle tawh tia sawiin 29.1% te chuan virus lakah antibodies an nei tawh tiin an sawi.

Hei bakah hian information an neih hmangin heng antibodies te hi thlaruk chung vel chu ngelnghet thawkhat taka awm niin survey neih hmasak zawk aia sero prevalence sang chu chanchin lawmawm a nih thu an sawi bawk.

Mipui tam ber tena virus an kai theih tawh loh hian virus inkaichhawn inkhaidiat chu tihchahin a awm thin a, natna darhtur venin a awm thei thin a, hei hi herd immunity tih chu a ni a. Hei vang tak hian sero prevalance sang hi a duhawm ta a ni.

“Survey pahnih neih karah antibodies nei 6% in an pung a, virus leng darh pawh nunna chan phah tlem tial tialin a awm a ni. Hei hian herd immunity kan hnaih hle tih a lantir a ni,” tiin Professor Giridhara R. Babu, Indian Institute of Public Health, Bengaluru chuan a sawi.

“Tuna survey hnuhnung zawkah hian mipui zingah antibodies nei percentage a san tak thu a lantir a. Hei bakah hian non-neutralising antibodies, leh T cell immune response te pawh a awm a ni. Heng immune mechanism pathum lakkhawm hian mipuiah herd immunity thleng turin 60% neih a tawk mai dawn a ni,” a ti a. “Chuvang chuan mipui nawlpuiah herd immunity thlen nana antibodies neih mamawh chu 60% aiin a hniam a ni,” tiin a sawi bawk.

Dr. Babu chuan neutralising antibodies te hi a tlem berah thla thum atanga thlaruk an awm niin a sawi bawk.

Jayaprakash Muliyil, epidemiologist leh principal of Christian Medical College, Vellore ni tawh chuan mipui zinga antibodies nei an pun tak hian antibodies nei an pung a, an hloh lo tih a lantir thu a sawi a.

“Antibodies te hi ral leh mai nghal chu ni se an tlahniam emaw survey hmasa neih leh thawh hnihna neihah a ngaiin an awm tur a ni a. Tuna survey hmuhchhuah dan chuan antibody te hi thlaruk chhung tal nghet taka la awm tura ngaih a ni,” tiin Dr. Myliyil chuan a sawi a.

Mahse, mithiamte chuan antibodies cham rei dan leh awm theih chin tur chu virus zirchianna neih mek a la nih avangin sawi chian theih lovah an la ngai thung a.

“Dehi-a hmun thenkhatah te hi chuan herd immunity a awm tawh pawh a ni mai thei. Mahse, mipui tam em emna Delhi khawpui angah te hi chuan herd immunity thleng turin mipui 50% vel ten antibodies an neih a ngai ang,” tiin Dr. Muliyil chuan a sawi bawk.

Dr. Babu chuan Delhi chuan nitin virus kai thar 1,000 vel la nei zel a nih thu sawiin State dang te tan he virus hi a reh hma chuan a nasa zual zel rih dawn tih a zirchhuah theih a ti bawk a.

“Sorkar hian inkaichhawn tihchah a nih vat theih nan test tam zawk a kalpui a tha ber,” tiin a sawi bawk a.

Pune-a Sero survey leh Delhi-a kalpui chu khaikhin theih a nih loh thu sawiin Pune chu high-risk area a nih vang a nih thu sawi bawkin, “Mahse, Mumbai leh Delhi te hi chuan herd immunity an hnaih tawh a ni,” a ti.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy