Mizoram larsap Gen. Vijay Kumar Singh (Retd) chuan Thawhlehni khan Department of Library and Information Science Delhi University din champha vawi 80-na, anmahni campus-a neih chu a hmanpui.
Larsap chuan public library leh lehkhabu ngaihhlutawm leh tlo zia a sawi a. Tunhma anga ngaihhlut an hlawh tawk ta lo chu veiawm a tih thu a sawi. Europe ramten public library an dah pawimawh chu entawntlak a tih thu a sawi a. Kalkhawmte chu tunhma anga library ngaihhlut nachang hre thar leh tura chahin, “Tun hi library hlutna tharthawh leh hun chu a ni,” a ti.
Zirna ina library pawimawhna pawh a inher danglam ve zel tih sawiin, library chu ram hmasawnna atana innghahna pawimawh tak a ni tih a sawi. Zirna kawnga India sulhnu ropui tak tak chu chhuanawm a tih thu a sawi a. Nalanda University chu zirna lama sulsutu pawimawh a ni tih a sawi a ni.
Department of Library and Information Science DU-in kum 80-na hmel a hmu chu a lawmpui tih sawiin, an kalzelna turah duhsakna a hlan bawk.
Delhi University-ah larsap
