Daily Newspaper

Demi Lovato leh Mac Ehrich an inhual

33

Demi Lovato leh Mac Ehrich te chu inneih tumin an inhual ta a, Lovato pawhin inhualna zungbun lian tha zet mai a bun ta vang mai. Lovato hian a tawih, actor Max Ehrich nen an inhual thu hi puangin thlalak te pawh a post nuam a, a thlalak post zawng zawng a kut veilam zungtang a emerald-cut lunghlu zungbun chu a dah langsar larh zel.

He zungbun hi 7-10 carat, dollar maktaduai man vel niin an chhut sak. Platinum Guild International USA-a an president Jenny Luker chuan, “A laia lunghlu phum hi 10 carat vel niin a lang. Lunghlu hi platinum a phum a nih hmel a, chuvangin a lang êng lehzual a ni,” a ti.

WP Diamonds CEO Andrew Brown pawhin, “He zungbun hi Harry Winston style a ni a, a laia lunghlu phum hi 10 carat tal chu a ni ngei ang,” a ti a, “Dollar maktaduai khat man vel a nih a rinawm a, Harry Winston a nih ngat chuan dollar maktaduai 2.5-3 man a ni thung ang,” a ti bawk. Demi Lovato chuan a Instagram-ah, “I nupui ni tura min sawmna hi lawm takin ka pawm. Ka hmangaihna che hi ziah chhuah sên a ni lo, nang nena chhungkaw din hlan ka nghakhlel tawh a ni. Duhtak ka hmangaih kumkhua ang che,” a ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy