Daily Newspaper

Denmark Open khel lo tur Saina leh Kashyap

32

Star Indian badminton nupa Saina Nehwal leh Parupalli Kashyap-te chuan nimin, Thawhlehni khan thuchhuah siamin, October ni 13 atanga khelh tan tur Denmark Open Super 750 tournament atanga an inhnuh-dawh thu an puang.

Odense khuaa khelh tur Denmark Open hi hripuiin a tihkhaihlak badminton international calendar an tanna tur chiah niin, kumin March thlaa All England Cham-pionships an zawh hnu khan BWF World Tour chu tihtawp nghal a ni a, boruak a ralmuan chhoh leh deuh t^k avangin badminton player-te pawh khelmualah an chechhuak leh tan dawn ta a ni.

London Olympics bronze-medallist Saina chuan Denmark Open atanga an inhnuhdawh thu hi puangin, January thla Asian tour behchhana season tan law law a tum thu a tarlang tel.

Kashyap nupa hian USD 750,000 tournament khel tur hian hming an pelut hman zet tawh a, thla hmasa khan Badminton Association of India (BAI) hnenah pawh Europe-a inkhelh an tum thu hi ziakin an thlen tawh a, tuna an inhnuhdawh leh t^k thu an puan rual hian fitness lam harsatna an tawh vang a ni em tih zawhna chh^ngin, tumhnih lai Commonwealth Games gold medallist lo ni tawh Saina chuan, hliam vang a nih loh thua chh^ngin, January thla lama Asian tour tinzawn an duh zawk vang niin a sawi.

Badminton World Federation (BWF) chuan Thomas and Uber Cup Finals (Oct 3-11) khelh hun a sawnhl^ a, November thlaa Asia khawmualpuia tournament khelh tur pathum pawh hun dang atana dahin, Denmark Masters (Oct 20-25) pawh a hun la ruat that atan a sawn bawk.

Kaltlangpui tur Denmark Open hi tun season la bang zinga World Tour event kumina khelh tur awmchhun a ni tawh.

World No 1 hlui Saina hi nakum Tokyo Games atana medal awrh tura beiseiawm zingah telin, Denmark ram tournament hi Japan ram tournament lian atan pawh inbuatsaihna tangkai hmasa ni tura ngaih a ni a, Saina a inhnuhdawh leh t^k si avang leh a hm^a world champion P V Sindhu a lo inhnuh tawh bawk avangin Odense-a khelh tur badminton tournament lianah hian women’s singles event-ah India hmeichhia hmuh tur an awm dawn ta lo a ni.

World No 24 ni m>k Kashyap pawh hian a nupui ang bawkin kumthar January thla a tinzawn law law vanga Denmark pan a tum lo a nih thu a sawi ve bawk.

London Games quarter-finalist chuan, “Kumina tournament pakhat lek khela risk l^k ai chuan dam ver vawr leh harhvang v>k v^wka January thla Asia leg-a bul tan a fuh zawk,” a ti.

BWF-in chuan Denmark ramah hian tournament pathum a indawta nghat turin ruahmanna a siam a, chu’ngte chu Thomas and Uber Cup Finals, Denmark Open leh Denmark Masters niin, hemi pathum khelh zawh hian World Tour Finals telin Asia khawmualpui lama tournament pathum nghahz^wn leh tur a ni ang.

Hei hi ruahmanna hmasa a nih laiin top team engemawzat chu hripui l>ng avangin an inhn<kdawk a, hei vang hian BWF chuan kumthar 2021 atan Thomas and Uber Cup a sawn a, Denmark Masters pawh kumin atan thulh a ni bawk. Asia leg chu January atan an dah ta bawk a ni.

World number one hlui Kidambi Srikanth, young player Lakshya Sen, Ajay Jayaram leh Subhankar Dey-te chu kan hma lawk Denmark Open-a Indian inlan tur awmchhun an ni dawn.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy