Union territory nih atanga state nih, kum 50-na kan lawm tawh hnu thlengin department intodelh pakhatmah kan la nei lo niin MLA Lalchhuanthanga chuan a sawi.
Inrinni zinga ITI Veng Bazar-a ZPM street campaign neih a hmanpuinaah Aizawl South-II bialtu MLA Lalchhuanthanga chuan “Nikum khan kum 50-na kan lawm tawh a, department pakhatmah intodelh kan la nei lo. Chuvangin ZPM a lo pian a ngai ta a ni,” a ti.
Aizawl Thuampui Venga street campaign-ah party vice president Lalthansanga chuan Aizawl East-I chu chief minister bial niin, hna pawh nasa taka thawk angin an insawi a. An hnathawh hi a lawmawm em em rualin, ZPM MLA-te pawhin an bial chhungah nasa takin hna an thawk ve tho a, chief minister bial aia an thawh nepna a awm chuang loa, a then phei chu a tha em em zawk tih a sawi.
Department intodelh pakhatmah kan la nei lo – Chhuanthanga, MLA
