Bangladesh a multi-storey bnuilding a kangmei chhuak vangin a tlem berah mi 43 in nunna an chan niin Bangladesh health minister chuan a sawi.
Local media te chuan kangmei hi capitaql Dhaka a restaurant atanga chhuak tan niin an tarlang a. Mi sawmsarih panga chu chhanchhuah hman an ni thung.
Kangmei chhuah hnu darkar hnih chhungin thelh a nih thu fire official te chuan an sawi bawk a. Kangmei chhuah chhan hi chhuichian mek a ni.
Bangladesh’s Health Minister, Samanta Lal Sen chuan nunna chan puanchian tawh 33 an awm thu a sawi a, heng zingah hian hmeichhia leh naupang te pawh an tel a, Dhaka Medical College Hospital panpui hnuah an thi tih puanchian a ni a. Midang 10 te pawh city main hospital ah an thi tih puanchian zui a ni bawk a. Mi sawm hnih pahnih te chu dinhmun derthawng takah an awm mek niin Sen chuan a sawi bawk.
EMergency services te chu he building chhawr sarihnaa awm Kachhi Restaurant ah kangmei chhuak tia koh an ni tiin Daily Bangladesh newspaper chuan a sawi a.
He building complex ah hian restaurant dang te pawh awmin chumai bakah thawmhnaw zawrhna te leh mobile phone dawr te pawh a awm bawk.
Kangmei hi gas emaw stove putru atanga intan a ni thei tiin head of the Bangladesh Fire Service and Civil Defence, Brigadier General Main Uddin chuan a sawi a.
“Building chhawng tinah gas cylinder a awm vek a, staircase ah te pawh a awm a ni” tiin Brig Gen Uddin chuan a sawi a.
“Staircase atanga kangmei chhuak kan hmuh laiin chhawng ruknaa kan awm mek lai a ni” tiin restaurant manager Sohel chuan a sawi bawk a. “Mi tam tak te chu sahimna zawngin building chhawng sang lamah an tlan a, keini chu water pipe hmangin kan lawn thla thung a, mi tam tak an zuanthlakna lamah hliam tuarin an awm” tiin a sawi bawk.
Commercial leh residential building a kangmei chhuak hi Bangladesh ah thil thleng zing tak a ni a, hei hi safety awareness tha lo leh regulation tha lo vang tia sawi a ni.
Dhaka a kangmei chhuakah mi 43 thi
![](https://theaizawlpost.org/wp-content/uploads/tap_logo-min-large.jpg)