Ranveer Singh channa “Dhurandhar: The Revenge” chu cinema hall-ah ni 41 an tichhuak tawh a, tun weekend kalta khan Akshay Kumar channa ‘Bhooth Bangla” leh Michael Jackson biopic ‘Michael’ te tlangzarhin, cinema hall lamah boruak nei lian viau mah se ‘Dhurandhar 2’-in sum a la lut bek bek zel a, tuna India film zinga sum la lut tam lamah pathumna ni tawhin, pahnihna pawh a hnai tawh hle a ni.
‘Dhurandhar 2’ hian ni 41 chhungin India-ah cinema hall ticket hralhna atangin cheng vaibelchhe 1356.07 a la lut tling tawh a, ram pawnah cheng vaibelchhe 424.75 la lut tawh bawkin, tihian a vaiin ceng vaibelchhe 1780 a la lut tling tawh a, tuna a kal dan en hi chuan ‘Baahubali 2: The Conclusion’ sum lak luh cheng vaibelce 1788.06 khumin, Indian film zinga sum la lut tam ber dawttu a ni thei dawn niin an chhut. Indian film zinga sum la lut tam ber Aamir Khan film siam ‘Dangal’ kha niin cheng vaibelchhe 2070 a la lut thei. Dangal hi China-ah a lar tlat mai a, China-ah hian India ai pawhin sum a la lut tam zawk a, China-a a sum hmuh hi vaibelchhe 1300 a tling pha hial a ni.
‘Dhurandhar 2’-in vbc 1780 la lut tawh
