Khawvel hmun hrang hranga Zofate tanpuitu tur Mizo Diaspora Cell an din chu rawn bepawptu an awm nual tawh tih chief minister Lalduhoma chuan a sawi.
Syria rama hnathawka awm harsatna tawk, Mizoram sawrkarin tunhnaia a hruai hawte chuan Thawhlehni khan chief minister hi hmu in lawmthu an hrilh a. Dam taka an rawn haw theih avangin a lawmpui thu chief minister hian a lo hrilh.
Mizoram sawrkar chuan khawvel hmun hrang hranga Zofate huikhawma a tul ang zela tanpuitu tur Mizo Diaspora Cell a din a, data an lakhawm mek a, anmahni be pawptu pawh an awm nual tawh, tiin, sawrkar ruahmanna tlangpui a lo hrilh.
Syria atanga chhanchhuahte rual hian India ram chhunga harsatna tawk nula pakhat, tun hnaia chhanchhuah pawh a tel bawk.
Mizo Diaspora Cell member Lalremsangi Fanai chuan heng chhanchhuahte hi a hruai a ni.
Diaspora Cell betu awm nual tawh
