Khawzawl MZP chuan Khawzawla DIET building sak tur, tunhnaiah sawrkarin hnukkirin cancel a tum nia an hriat thu an sawi a, cancel lo turin an ngen tih an sawi.
MZP Hqrs. Khawzawl thuchhuak chuan, Khawzawla DIET building sak tur cancel tum thawm an hria chu pawi an tih thu an sawi a. Sawrkar laipui atanga approval awm tawh, Mizoram sawrkarin hnuhkir a tum chu a chhan leh vang chiang taka hriat an phut tih a sawi. ‘Tender chhuah a nih atanga thla 8 chuang tih khawmuan a nih hnua withdraw, cancel tumna a awm hi Mizoram zsawrkar hian ngaihtuah nawn leh se,’ tiin an ngen a ni.
Khawzawl MZP chuan MZP Gen Hqrs OB leh a changtu minister hoa meeting an neih turah a chhan leh vang hriat an phut tih sawiin, an meeting thuthlukna azirin hma lak zel an tum tih an sawi.
DIET building sak tum tawh cancel lo turin MZP-in ngen
