Daily Newspaper

District 2-ah Nghafuan ven khap


Aizawl leh Lawngtlai district-ah district thuneituten ‘Nghafuan ven’ an khap a, dan anga phalna lak a nih chauh loh chuan lui leh dil sanghate pawh bomb, chinai, khawl leh tur lam chia man an khap bawk. Hetiang hian Serchhip district-ah pawh khap a lo ni tawh.

Heng district-a Nghafuan ven khap chhan hi sangha pung tur a tihbuai theih vang nia sawi niin, hmanraw dang tarlan hmanga luia sangha man khap a nih chhan hi tul loa luia nungchate man leh tul loa suat a nih loh nan, tih a ni a. Aizawl district magistrate thuchhuakah chuan len leh nghakuaia luia sangha man pawh khap a ni tih a tarlang.

Khapna dan tlawhchhan hnuaia dan bawhchhia chu thla ruk thleng lung in tantir emaw Rs. 2500 thleng chawitir emaw, heng hremna chi hnih inkawp pawh hian hrem theih a ni tih a tarlang bawk.

Lawngtlai district-a thupek chhuahah hian, thupek chhuah ni atanga thla hnih chhung a huam tur thu leh a bawhchhiate chu IPC section 188-na hmanga hrem an nih tur thu a chuang a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy