Daily Newspaper

District-a hmalakna kohhran hruaitute sawipui

18

Lawngtlai district bawrhsap Dr Andrew H. Vanlaldika chuan nimin khan Lawngtlaia kohhran hrang hrang hruaitute kawmin, Covid-19 hrileng dona kawnga an district-a hmalakna hrang hrang leh sawrkar leh kohhran thawh hona tha zawk neih theih dan tur a sawipui.

Bawrhsap chuan Covid-19 hrileng dona kawnga kohhrante thawhpuina, tawiawmna leh tawngtaipuina an dawn zawng zawngah lawmthu sawiin, kohhran hruaitute chu a tulna apianga finchhuah a, tawngtaipui reng turin a sawm. Covid dona chungchangah district mipuite ralbang bik awm lo a, tanrual a tul tih a sawi a ni.

Kohhran hruaitute chuan district tana tha tura roreltu leh thuneitute kaihhruaina chu tha tawka an hriat thu leh, thawhpui leh tanpui an ngaihna apianga sawrkar tawiawm tura an inhawn reng thu an sawi. |hutkhawmah hian tawngtaina bakah sawrkarin inkaihhruaina leh inkhuahkhirhna a siamte mipuiin tha taka zawm chu hrileng dona kawnga thil sawt ber tur nia an hriat thu sawi niin, sawrkar leh kohhran zawnah pawh mipui zirtirna lamah uar zawka hma lak ni se, an ti.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy