Site icon The Aizawl Post

District-ah Hmeichhiate Ni hmang

Khawvel hmundang rualin March 8 khan Mizoram hmun hrang hrangah Hmeichhiate Ni pualin hun hman a ni.
District Legal Services Authority (DLSA) Champhai buatsaihin International Women’s Day 2023 pualin hun hman a ni a. Hmeichhiaten inchhungkhura hleihlenna an tawrh thin tih tlem dan tur leh mipa leh hmeichhe intluktlanna chungchang zirho a ni.
Domestic Violence Act chu chhungkaw thendarhna tur ni loin chhungkaw inrem thei lote rem tirtu zawk a ni tih sawiin, “Dan kan hriatchian chuan hmeichhiain inchhungkhura hleihlenna a tawh thinte hi a reh tawh dawn a; hmeichhiain inchhungkhurah tihduhdahna a tuar a nih chuan service provider emaw proctection officer emaw magistrate hmaah a dikna chanvo humhim turin a harsatna tawhte a thlen thei tih a sawi.
Lawngtlaiah pawh Child Development Project Officer Lawngtlai leh One Stop Centre te huaihawtin hun hman a ni a. Resource person atana sawm hnen atangin “DigitALL : Hmasawnna thil thar leh khawl hmanga thiamnate hmeichhia leh mipa intluktlanna atan” tih thlansa hmangin thu a sawi. Lawngtlai CDPO Zothanmawia Hnamte chuan Women & Child Development hnuaia Scheme hrang hranga hriat tur sawiin, zawhna chhan a ni bawk.

Exit mobile version