Daily Newspaper

District hrang hrangah NFSA chhawrtu awm

31

September 12 kha National Food Security Day a ni a. Aizawlah chuan hrileng mekah inkharkhip a nih avangin a puala hun hman tum chu thulh a ni a, district dangah chuan hman a ni.

National Food Security Act (NFSA) 2013 tum ber chu khawsak harsa zawkten an puar khawp eitur pek a ni a. Hamthatna dawng thei tur hi sawrkar laipuiin Census 2011 a mi cheng zat tlawhchhan niin, Mizoramah mi 706296 thlan a phalsak a. AAY bik dawng thei tur hian chhungkaw 26100 a phal bawk.

Food Civil Supply & Consumer Affairs department hotute sawi danin, NFSA 2013 kentel computerization scheme kalpui a nih hnuah Mizoramin buhfai a lakluh apiang, state kudam a thlen atanga retailer dawr a thlen thlengin buhfai chetvel dan hi online hmang veka record a ni a, hei hian kawng laka buhfai bothlau tur nasa takin a veng a ni.

NFSA hnuaiah hian buhfai hi kg-ah Rs.3 zela pek niin, thla tin AAY chhungkuain kg.35 leh PHH member pakhatin kg.5 an dawng a. Mizoram sawrkarin kg. ah Rs.15-in PHH member pakhat tan kg.3 leh Non-NFSA member pakhat tan kg.8 zel a pe. NFSA hnuaiah hian ration card leh Aadhaar card thlunzawm mek niin ‘One Nation One Ration Card’ kaltlangin NFSA beneficiary-ten ram chhung khawi state atang pawha ration quota an lak theih nan hma lak mek a ni bawk.

Lawngtlaia NFS Day hmannaa tarlan danin, Lawngtlai district-ah Food Corporation of India kudam pakhat leh Mizoram FCS&CA distribution centre (depot) 7 a awm a. Fair Price Shop (retailer) 107 awmin, ration card eng (AAY) 2289, card pawl (PHH) 8326 leh card var (non-NFSA) 8637, a vaiin ration card 19252 a awm mek. DCSO Lawngtlai kaltlangin PMGKAY hnuaiah kumin April atanga September inkarah a thlawnin buhfai quintal 20281.40 sem tawh niin, Atma Nirbhar Bharat (ANB) hnuaiah khualzin tangkhang leh ration card neilote tan May leh June inkar khn khan thla khat atan mi pakhat zelah buhfai kg.5 sem a ni.

Champhaia NFS Day hmannaa sawi danin, Covid-19 avanga state pum inkharkhip lai pawh khan NFS Act hnuai atang hian DCSO Champhai kaltlangin ei tur neilote hnenah leh Champhaia Home hrang hrangah buhfai sem thin a ni.

Lungleia he hun hmannaah chuan an district-ah Supply Centre 15 a awm a, ration card nei chhungkua 45075 awmah AAY 4105 leh PHH 23168 awmin, non NFSA chhungkua 17802 an awm.

Mamita he hun hmannaa tarlan danin, an district-ah AAY card 1878 leh PHH card 9352 a awm mek a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy