District Redressal Commission-in consumer-te harsatna thlen rel sak

Champhai District Consumer Disputes Redressal Commission chuan tunhnai khan thil lei chungchanga harsatna neite thubuai hrang hrang a chingfel.
Thubuai ngaihtuah zingah hian lirthei hman man inpek that loh chungchang, electric kalsual avanga bungraw chiatna thleng, bungraw man pek tawh a bungruaa la dawn si loh te a tel.
He Commission hian thil lei kawnga harsatna hrang hrang – online shopping leh delivery chungchanga harsatna, warranty-a buaina, a man bituk aia toa thil man chhiar leh thil lei quality tha lo emaw hmelhem chungchanga harsatna a thlen theih a. Thil leitute tan awlsam takin thil lei kawnga harsatna a chingfel thin.
Bungrua (goods) lei chungchang harsatna chauh niloin, ‘service’ dawn that loh chungchanga harsatna pawh a huam a. Hetiang lam harsatna nei chuan mahni District Consumer Disputes Redressal Commission ah complaint thlen theih a ni.