Daily Newspaper

District tinah Covid enkawlna damdawi in siam phut

22

Mizoram sawrkar chu district tinah Covid kaite enkawlna tur bik damdawi in siam turin an phut tih ZPM Thalai chuan an sawi.

ZPM Thalai Hqrs. thuchhuak chuan, Covid hriin kum khat chuang Mizoram a chenchilh hnuah pawh Covid kai enkawlna damdawi in Aizawl district-ah chauh a awm hian MNF sawrkar Pu Zoramthanga kaihhruaiin mipuite nunna a hlut tawk loh zia a tarlang chiang hle, tiin, hemi kawngah hian Health minister pawhin mawh lian tak a phurh thu leh a department chan hi a enkawl zo thlawt loa an ngai thu a sawi.

‘Mizoram sawrkar hian hri do kawngah leh a mite hri laka an himna kawngah a theihna chanve pawh a la hmang lo tih hi ZPM Thalai dinna a ni a. Sawrkar laipui atanga Mizoram sawrkarin tanpuina a hmuh thin hlawm lian pahnih – Post Devolution Revenue Deficit Grant leh Share of Central Tax-ah beisei zat an hmuh lai leh, Share of Central Tax-ah phei chuan beisei zat aia tam sum an hmuh theih lai a, vawiin thlenga hrikai enkawlna damdawi in Mizoram district-ten kan hmingkima kan la nei thei lo hi Health minister inthlahdah vang liau liauah kan ngai,’ a ti.

Tunah furpui a lo thlen tak avang leh hrileng thawh thumna kan hmachhawn mek avangin, thingtlang mipui, inkalpawhna harsa tak taka awmte chu hri kai enkawlna damdawi in nei loa mangangin an rum mek tih sawiin, a ram mipuite manganna hian Mizoram sawrkar kai harh thei se tih chu ZPM Thalai duhdan a nih thu te, district tinah hri kai enkawlna damdawi in pakhat aia tlem lo a ranglama siam tura Mizoram sawrkar an phut thu te, thuchhuah hian a tarlang a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy