Daily Newspaper

Djkovic-a’n Nadal a lehpel

9

Thawhtan zan khan Italian Open final khelh a ni a, World No. 1 Novak Djokovic chuan a khingpui Diego Schwartzman chu set hloh lova hnehin a champion a, Nadal lehpelin Master 1000 Title la hnem ber niin record thar a siam.

US Open 2020 atangin mualpho taka hnawhchhuah Djokovic hian champion lai Nadal hnehtu Schwartzman lakah bel a tan chhe hle a, set tir berah 3-0 ngawtin hnufual zawkah a tang hman. Bul tan chhe hle mahse huaisen takin a inlan zui a, khel tha telh telhin a khingpui hi a pawt thla ta hial a, set khatnaah 7-5 a chak in, set khatna a la.

No. 1 Djokovic hian a rei telh telh a, a khel tha tulh tulh. Set hnihnaah tha zeta inlan zui lehin game thum chauh a hlauh a, 6-3 a hnehna chang zui lehin hnehna pawimawh tak a chang a, Italian Open-ah a vawinga nan a champion.

Grand Slam-ah vawi 16 zet champion tawh, kum 2020 chhunga inkhel pangngaia tlawm la nei miah lo Djokovic hian Master 1000 a champion ngun ber ni thin Rafael Nadal a lehpel a, vawi 36 champion tawhin mipa piang tawh zingah Master 1000 a champion tam ber a ni.

Master 1000-ah hian champion tam ber chu Nadal a ni reng a, Dokovic hian Nadal-a record hi thla kal ta mai khan Western & Southern Open-ah champion in a nih rual a. Inelna a hmachhawn leh hmasak ber, Nadala-a ropuina hmunah ngei champion lehin Nadal a kalsan chiah a, record a siam ta a ni. Masters 1000-ah hian Djkovic hi vawi 36 a champion a, a hnungah hian Nadal (35), Roger Federer (28), Andre Aggasi (17) leh Andy Murray te chu champion ngun zualte an ni.

Italian Open-ah a champion vangin Djkovic hian Record a siam bakah ranking point a hlawh belh a, nikuma champion Nadal erawh chuan semi final a luh phak loh vangin point a hloh nual ve thung a, Djokovic nen an inkar a zauh phah leh sawt dawn a ni. Italian Open-ah a champion vang hian French Open-ah champion turin Djokovic hian rin a kai leh zual sauh ngei tura ngaih a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy