Djokovic a inhnukdawk
Kum khata chetha zual pariatte inelna ATP Finals atangin champion lai Novak Djokovic a inhnukdawk. Djokovic hian dam ver vawra Grand Slam hmachhawn a duh thu a sawi.
Kum 37 mi Novak Djokovic hi ATP Finals-ah vawi sarih champion tawhin, champion ngun ber a ni mek. Turin khawpuia inelna neih turah tling bawk mah se a hliam a la dam chian loh vangin inelna hmachhawn lova chawlh hahdam rih a thlang. Grand Slam-ah vawi 25 champion hmasa ber ni thei turin Australian Open 2025-ah inlan ngei a tum a. January 12, 2025 a khelh tan tur Australian Open-ah dam ver vawra inlan a tum thu a sawi. Tennis player ropui ber Djokovic hi kum 2024 chhungin Grand Slam-ah a champion lo teh tlat a. Grand Slam lak belh lo mah se champion a chak em emna Olympic-ah champion in, Gold Medal a la tho thung.
ATP Finals khel turin player paruk; Jannik Sinner, Carlos Alcaraz, Alexander Zverev, Daniil Medvedev, Taylor Fritz leh Djokovic te an tling chiang tawh a, Djokovic a inhnuhdawh vangin player pathum tam hmunruak a la awm mek. Hmun ruak hnawhkhat turin Casper Ruud, Alex de Minaur leh Andrey Rublev te dinhmun tha takah an ding mek. ATP Final hi November 10-17 chhungin Turin khawpuiah khelh a ni ang..
Djokovic a inhnukdawk
