Daily Newspaper

Djokovic a tel ve lo

24

January ni 1 atang khan Tennis hmanga mipa team te inelna ATP Cup khelh a ni a. Serbia aiawh tura thlan Novak Djokovic chu ATP Cup-ah a inlan ve lo. World No. 1 hian Australian Open a hmachhawn dawn em tih tun thlengin a la chiang thei lo bawk.“
ATP Cup hi Australia khawpui pathum; Brisbane, Perth, leh Sydney-ahte khelh a ni a, ram 24 te inelna a ni. Champion hmasa ber Serbia hi Group A-ah Norway, Chile leh Spain te nen an awm tlang. Kum 2020-a champion puitu Novak Djokovic lakah beiseina sang tak nei in, inghat thui hle mahse Djokovic hi Serbia team atangin a inhnukdawk ta thun tih Serbian daily Blic chuan a tarlang.

Australia rama inelna ATP Cup a hmachhawn loh bakah Novak Djokovic hian vawikua a champion tawhna Australian Open a hmachhawn dawn em tih a la tichiang thei lo bawk. Australian Open buatsaihtute chuan inelna hmachhawn turin Covid 19 vaccine an lak ngei an phut a. Vaccine la lote pawh expert team in ngainathiamna an neihte chauhin inelna hmachhawn tir an tum. Australian Open champion lai Djokovic hian Vaccine a lak leh lak loh tun thlengin a la sawi chiang duh lo zui zel a. hei vang hian Melbourne Park-ah a inlan thei dawn em tih hriat theih a la ni lo.“

Australian Open hi World No. 1 Novak Djokovic-a khelh thiamna hmun a ni a, vawikua zet a champion hial tawh. Inelna a hmachhawn a nih chuan champion tura rinkai ber a ni leh dawn a. A ropuina mualah a ropui nawn leh thei a nih chuan a elpui lian Rafael Nadal leh Roger Federer tlansan in mipa lamah Grand Slam-a champion ngun ber a niin, Grand Slam-ah vawi 21 a champion tling chiah dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy