Daily Newspaper

Djokovic-a’n fiahna hmasaber paltlang

32

Thawhtanni khan top seed Novak Djokovic chuan French Open khelh m>ka a vawikhatna atan fiahna tling tham tura ngaih player khawng a hmachhawn a, he fourth round match-ah hian Russian player Karen Khachanov lakah 6-4, 6-3, 6-3 hnehna changin a vawi 14-na atan Roland Garros-ah quarter-final a lut.

Kum 33 mi hian a tumhnihna atana French Open title a beisei leh mekna kawngah a z^wnin vawili lai straight-set hnehna a chang ta a, a tum 47-na atan Grand Slam quarter-final lutin, German qualifier Daniel Altmaier hnehtu 17th seed Pablo Carreno Busta nen semi-final luh an inchuh ang.

Qualifying kaltlanga main draw thleng world No 186 Altmaier hian Paris-a a Grand Slam debut-ah fourth round thlengin khawvel a barakhaih awn awn a, mahse, quarter-final luh inchuh lamah erawh a vanneihnain a tlin ta ngang lo a, Thawhtanni inkhel dangah Spaniard Busta chuan 6-2 7-5 6-2-in a vawtla.

Kum 29 mi Carreno Busta hian tunhma lamin Roland Garros-ah last eight a lo lut tawh a, Paris-a a chetthat ber hun a nihrualpui leh ta chiah a, Serb Djokovic a hneh chuan French Open-ah rahbi thar a rap ang.

German qualifier Altmaier hian kum 1996 hnu lama Grand Slam debut-a quarter-final lut thei mipa player hmasaber nih tumin Busta a hmachhawn a, a hlawhtling zo ta lo a ni. Kum 1996 khan Alex Radulescu chuan Wimbledon-ah a Grand Slam debut nghakchhuakin, last eight a thleng a, khatiang ti leh thei kha an awm ngai ta lo a, Altmaier hi Radulescu record rawn nihrualpui thei tur hnaivai a nih laiin Spaniard lakah a chak zo ta lo a ni.

Kum 22 mi Altmaier leh Carreno Busta hi Court Suzanne Lenglen lama inkhel tura tih an nih laiin ruah sur b^ng mai thei lo avangin tournament organiser-te chuan court chungkhuh nei Court Philippe Chatrier lamah an sawn ta a ni.

Fourth round inkhel dangah Russia player Andrey Rublev chuan Hungary mi Marton Fucsovics lakah 6-7(4), 7-5, 6-4, 7-6(3) hnehna chang ve bawkin, a z^wna a vawihnihna atan Grand Slam quarter-final a lut.

World number 12 laka tl^wm Fucsovics khan round one lamah Rublev-a chipui Daniil Medvedev chu a lo barakhaih tawh a, tuntum erawh Russian player dang lakah hnehna a chang zo ta lo a ni.

Kum 22 mi Russian star Rublev hian Roland Garros last four luh inchuh match pakhatah Greek Stefanos Tsitsipas a tum leh dawn a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy