Doctor pawngsual thubuai ngaihtuah tan
Kolkata court chuan RG Kar Medical College and Hospital-a doctor pawngsual leh thah thubuai chu thawhtanni atang khan a ngaihtuah tan a, he thubuai hi additional district and sessions judge Anirban Das-a court chuan a ngaihtuah a ni.
Pawngsual leh tualthattua puh Sanjay Roy pawh court-ah hian a inlan nia sawi a ni a, a pa pawh thuhretu atan a awm tih Kolkata police te chuan an sawi.
Roy hi chawhnu lamah court-ah hian hruai niin, thubuai ngaihtuah a nih lai hian court kawngkhar pawh khar niin, venhimna khauh tak hnuaiah a thubuai hi ngaihtuah a nih thu sawi a ni bawk.
Hetih lai hian Roy chuan thuthar thehdarhtute hmaah, ‘Vawiin thleng hian ka thusawi min phalsak lo, engmah ka ti lo a, tihsual ka nei lo,’ tiin a lo sawi tawh a ni.
Roy hi Bharatiya Nyay Sanhita Section 64, Section 66 leh Section 103 na hmangin thubuai siamsak a ni a, August ni 10 khan Kolkata police te chuan an lo man tawh a ni.
Doctor pawngsual thubuai ngaihtuah tan
