Daily Newspaper

Donald Trump leh a nupui Melania ten Covid-19 kai

10

US President Donald Trump chuan nimin khan a nupui Melania Trump nen coronavirus an kai thu a sawi.

“FLOTUS nen Covid-19 kan kai a. Quarantine kan tan nghal ang a, kan paltlang dun ang,” tiin Trump chuan a Tweet a ni.

Trump hian a hmain a kaihza vengtu Hope Hicks an Covid-19 a kai avangin a in quarantine tur thu a lo sawi lawk sa tawh bawk.

White House doctor chuan President Trump chuan Covid-19 kai mahse a duty engmah buaina leh harsatna awm lovin a chhunzawm reng theih tur thu a sawi bawk.

America-in November ah inthlan a hmachhawn mai dawn a, Trump chuan virus leng chuan tawp lam a pan tawh thu a tlangaupui laia a kai chu a tan pawi tak a ni thei thung.

Trump hian White House staff tena Covid-19 an kai hnuah pawh kai ve theihna lama hlauhthawnna lam chi reng reng a namnul tia puh a ni fo bawk.

Trump hi world leader langsar Covid-19 kai awm chhun a ni lo va. Brazil Preisdent Jair Bolsonaro chuan July thla khan a lo kai tawh a, British Prime Minister Boris Johnson pawhin kaiin kar khat damdawi In a awm phah tawh a, ani phei chuan la na hlein intensive care-ah awm hial oxygen nena enkawl a ni a. Germany Chanellor Angela Merkel pawh vaccine petu a doctor-in a kai avangin a in quaratnine mek bawk a. Canadian Prime Minister Justin Trudeau pawh a nupuiin a kai avangin in atangin hna a thawh phah tawh bawk.

(THE AIZAWL POST – Rampawn)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy