January ni 20-a US Capitol, Washington, D.C.-a Donald Trump presidential inauguration-ah Carrie Underwood a zai dawn a, Grammy pariat dawng tawh, Underwood hian ‘America the Beautiful’ a perform dawn a, The Armed Forces Chorus leh The United States Naval Academy Glee Club ten an tawiawm dawn bawk a ni.
Underwood chuan thuchhuah siamin, “Kan ram hi ka hmangaih a, he Inauguration-a zai tura min sawm hi chawimawina sang tak a ni a, he event pawimaw taka chanvo ka lo nei ve tur hi ka lawm takzet a ni. Kan ram inpumkhatna tura kan tanrual a tul lai leh, hmalam hun kan thlir mek laia kohna chhang theia ka awm hi ka lawm hle a ni,” a ti.
Underwood hi JD Vance-a’n vice president ni tura thutiam a chham zawh chiah, Donald Trump-a’n United States President 47-na ni tura thutiam a chham ve leh hma chiaha zai tur niin an tarlang.
2017-a Trump presidential inauguration-ah khan America’s Got Talent contestant Jackie Evancho leh Radio City Rocketts an perform a, 2021-a Joe Biden inauguration-ah khan Jennifer Lopez-i’n ‘America the Beautiful’ le ‘This Land Is Your Land’ a perform ve thung a, Biden inauguration-a hian country star Tim McGraw leh Tyler Hubbard leh Gart Brooks te an perform tawh bawk.
Donald Trump presidential inauguration-ah Carrie Underwood zai dawn
