Daily Newspaper

Dowry tihtawp a nih theih nan inthlak ngai ti

19

Supreme Court chuan dan chauh ni lo mihringte pawh hmeichhiate kan en dan leh social evil dowry tihtawp a nih theih nan chhunglam atanga kan inthlak a ngai tiin a sawi.

Justice D.Y. Chandrachud kaihhruai Bench chuan Indian Penal Code-a draconian criminal law province a awm chung leh Dowry Prohibition Act of 1961 mai bakah National Commission for Women a awm chungin dowry a la awm reng tiin a sawi.

Advocate V.K. Biju, Kerala atanga petitioner aiawha ding chuan dowry kaihhnawihte chu State literate lo ber berah pawh a nghawng a la na hle tiin a sawi a, hmeichhia la thalai tak takte chu a pasala chhung ten lunghlu vangin an that thin a ni tiin a sawi a. Inneihnaah gold jewellery hmanga hmeichhia te cheiin pholan an ni thin a ti.

Petitioner chuan innei turte chuan ‘pre-marriage’ course paltlang ngei se, dowry that lohnaa hrilhfiah an ngai a. Heng course-te hi inneih hmaa tihmakmawha neih ni se a ti bawk.

“India hian Kochi khuaah chauh ni lo, thingtlang khaw te pawh a hual tel vek a. Hetiang course kalpui tur hian facility neih theih a ni ang em. Pre-marriage course hi kan kalpui a nih loh chuan a nghawng chhe takin a zui zel thei a ni,” tiin Justice CHandrachud chuan a sawi.

Biju chuan dowry hmangin thalai hmeichhia la naupang tak tak te nun tihchhiatin a la awm mek tiin a sawi bawk a.

“Inthlak danglamna hi chhunglam atang a ni tur a ni. Inneiha social value hi a bulthuta kan hriatfiah a ngai a. Engtiangin nge hmeichhia pasal nei hlim chu kan enkawl dan tur pawh kan hriatfiah a ngai a ni” tiin Chandrachud chuan a sawi bawk.

Supreme Court chuan Law Commission of India chu dowry chungchang a thara enfiah tura tiin dowry law chungchangah fiah lehzuala thil kalpui turin a ti bawk.

Dan ennawn leh engtianga anti-dowry law-te chu siamthat tur nge ni ang tih te chu Law Commision-in bul a tan a ngai a ni, tiin court chuan a sawi bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy