Daily Newspaper

Dr. Zarmawia a boral

19

Mizo zinga Sport Medicine Doctor hmasaber Dr. Lalzarmawia Khiangte chu ninga ni zing khan Lungphuchawlin a boral a, kum 44 mi a ni.

Dr. Lalzar-mawia Khiangte hi Mizoram Football Association Executive Committee Member leh Mizo-ram State Spo-rts Council-a Sports Medicine Doctor cni mek a ni a, infiamna tuipui, infiamna in hma a sawn theih nana tha leh ngaihtuahna seng nasa, thawhhlawk tak a ni. Nilai zan dar 6:00 vel khan Dr. Zarmawia Khiangte hian thawhah a nei thut a, damdawi In lamah hruai ni mahse a damchhuak zo lova, Ningani zing dar 6:10 khan chatuan ram a pan ta a ni.

Mizo zinga Sports Medicine Doctor hmasa ber Sr. Zarmawia Khiangte hi India-in FIFA Under 17 World Cup 2017-a a thlen pawh khan FIFA Medical Team-ah a tel a; MFA football team zin chhuak tur zawng zawngte buaipuitu leh MFA hnuaia inkhel hrang hranga a tul apianga duty thin a ni a. Infiamna dangah pawh mi tangkai tak niin sports discipline hrang hrangah a inhmang hle a ni.

Mizoram Football Association chuan Dr Lalzarmawia Khiangte hi a ui takzet a, nimin khan an ui thu thuchhuah an siam.

Dr. Lalzarmawia Khiangte hi MLA hlui Hmingdailova Khiangte fapa a ni a, Chaltlang LilyVenga cheng an ni.

THE AIZAWL POST
~Infiamna~

HOME>> The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy