India leilung ngeia Cricket World Cup khelh zawh tak final-ah Aus-tralia hneh loin a team tlawmpui mah se Board of Control for Cricket in India (BCCI) chuan cri-cket khelh dan (format) chi thuma India head coach ni chhunzawm zel turin Rahul Dravid chu contract thar an ziahpui.
A enkawlna hnuaiah India chu format pathum – Tests, one-day inter-nationals leh T20s-ah number one ranked team ni vek mah se kum 2011 atang khan International Cricket Council (ICC) world trophy an la leh ngai ta reng reng lo a, chuti chungin BCCI chuan batter hlui Dravid lakah hian rinna an la nghat zui zel a ni.
Kumin world cup-ah khan rinkai India kha group-stage game-ah chak vekin, final-ah vawiruk cham-pion tling Australia an ngam lo.
Kum 50 mi India captain hlui hi November 2021 khan India head coach atan sengluh niin, tuna a contract neih lai hi 50-over World Cup zawh rual khan a tawp fel a, inremna thar an ziahpui tih bak hi a rei zawng tarlan a ni lo a, rin danah chuan nakkum June thla T20 World Cup thleng hi chu a lo berah a contract hian a awh rin a ni.
Dravid contract thar
