Ruihhlo a hluar a, zu pawh a tam. Man tur pawh a tam a, mihring pawh an man hnem tawh. Kuminah excise force te’n drug leh zu vangin mi 5808 an man tawh.
Mizoram Excise & Narcotics (MEN) department-in kuminah October thla thleng khan NDPS Act hmangin drug vangin mi 795 an man tawh a, thla 10 chhunga an man zat hi nikum kum tluana an man zat aiin a tam; 2024-ah khan kum tluanin mi 739 an man a ni.
MLP Act hmangin zu vangin kuminah October thleng khan mi 4776 an man tawh a, case 5260 an siam tawh. Nikum khan MLP Act hmang hian mi 5587 an man. ME Act hmangin mi 237 an man tawh a, case 272 an siam tawh bawk.
Kuminah drugs leh zu vangin mi 5808 an man tawh a, kum hmasa lam nena khaikhinin kumin thla 10 chhunga mihring an man zat hi a tlem lo.
Drug-ah hian chi 10 an man a, heroin, opium, ganja, ganja kung, methamphetamine, pseudoephedrine, nitrazepam, alprazolam, tramadol leh khuh damdawite an man.
Zu atanga thla 10 chhunga sum an hmuh hi Rs 201,45,814 a ni a, foreign liquor & spirit atangin Rs 143,23,274, fines & confiscation atangin Rs 56,84,480, thil dang atangin Rs 1,38,060 an hmu tawh.
Zu leh drug vanga man zat
A manna
dan Kumin
(thla 10) 2024
NDPS Act 795 739
MLP Act 4776 5587
ME Act 237 526