Site icon The Aizawl Post

Dubai-ah Djokovic chak phawt

Hmeichhia leh mipa sawi loa a chawlhkar zawnga world number one ni rei ber Steffi Graf-i all-time record a khum hnuah Novak Djokovic chu Dubai Tennis Championships lamah inlan chhunzawmin, Australian Open title a lak hnua a match khelh leh hmasakberah world number one ni chunga a chawlhkar 378-na hmang mek Serb hian harsa takin Tomas Machac a hneh hram.
Kum 35 mi Record dinglai nihruala men’s grand slam title -22 la tling Djokovic hi Mel-bourne tournament hnu khan kaihza tha na avangin chawlhkar thum a chawl a, Dubai lamah kirlehin, world number 130-na Czech Machac lakah 6-3 3-6 7-6 (7-1) hnehna chang hramin, kum 35 mi damkawr hian ngai a la awh chiang lo tih a hmuh theih.
Dubai-ah hian Britain star Dan Evans chuan hliam avangin a first-round match a khel tluan thei lo a, a tumpui Croa-tia player Borna Coric chuan hahdam zawkin second round a luh phah.
Thawhtanni khan Andy Murray a inhnuh-dawh avangin kum 32 mi Evans chiah hi Dubai tournament men’s singles-a Briton inlan chhun a ni a, mahse, set khatnaa 2-2 a nih laiin British number two pawh hi loh theih lohin a inhnukdawk zui ve leh ta a ni.
Inkhel dangah Ru-ssian Daniil Medvedev chuan a chak tluang lai chhunzawmin, Matteo Arnaldi lakah 6-4 6-2 hnehna awlsam a chang a, a zawna match 10 a chak tlinna ni tawhin, title pathum lakzawn a tumna kawngah a chesual duh ri hlo.
Fourth seed Felix Auger-Aliassime pawhin 7-6 (7-4) 3-6 6-3-in Maxime Cressy a hneh a; sixth seed Karen Kha-chanov erawh 7-5 6-2-in Botic van de Zandschulp chuan a hlapchhuak thung.

Exit mobile version