Daily Newspaper

Dul tihthêp nen jeera-ginger drink

19

Dul kiar tawh tih thêp leh tum hi a hautak thin khawp mai, tun tumah hian Times of India health section-in dul tihthêp nana tha ni an tarlan jeera-ginger drink chungchang kan rawn tarlang e.

Ginger an tih chu sawhthing kan tih hi a mai a, chhungtinin kan kawl deuh theuh ang tih tur khawpa chawhmeh siam nana kan hman lar a ni a, taksa hriselna atana thatna pawh a ngah khawp mai. Chaw paitawih lama min puitu a ni a, thermogenic properties a nei a, kan taksaah lumna a siam a, chu chuan metabolism a tichak thei.

Jeera kan tih hi masala kan tih mai, cumin an tih bawk hi a ni a, Mediterranean tuipui kama awm ram hrang hrang atanga rawn darh ta niin an sawi. Cumin (jeera) chuan potassium, iron leh dietary fibre a pai tam hle a, vitamin C, E leh K te pawh tlem tlem a pai. Cumin chuan kan taksaa cholesterol thalo level tihniamin kan taksa atangin thau a paih thei a ni.

Cumin (jeera) chaweinaa chawhmeh suah nana hman thirfian (tablespoon) khat leh sawhthing tlem rawtsawm chu tui litre chanve (500ml) nen pawlhin, chhuang so la, a tui chu a chanve vel thleng so kang tir la, 250ml (no khat) vel a lo ni tawh ang a, chutiang tui chu ni 10 chhung tuktin in ang che. A tihtui deuh nan duh leh thakthing emaw ser tui sawr thar emaw te pawh a pawlh theih. A tui chu i in hnuah minute 45 vel exercise lain, ei leh inlamah fimkhur bawk tur a ni.

Jeera leh sawhthing inpawlh chuan metabolism a tichak a, intihcher tumte tan metabolism tihchak hi a pawimawh hle a, metabolism a chak chuan exercise kan lak pawhin calorie kan paih chak bik dawn a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy