Dutch Prime Minister Masrk Rutte sorkar chu karkalta Zirtawpni khan coalition party tena immigration policy ah inremna an neih theihloh avangin a kehchhia a. Party hrang hrangte chuan immigration chungchangah ngaihdan inang lo neiin tun hnaiah immigration chungchang hi Netherlands ah inthenna siamtu ber pakhat a ni tawh a.
Eng vanga kehchhia nge?
Dutch coalition sorkar chu thla 18 kalta khan din a ni a, a hnu lawkah PM Rutte chuan indona hmuna awm refugees te family reunion limit chu thlakhatah mi 200 zel bituk phalchin a rawt a. He rawtna hi a coalition partner D66 leh Christian Union te chuan duhlo nghalin hei vang hian inremlohna nasa taka awm zui ta a ni.
Rutte awmna party People’s Party for Freedom and Democracy or VVD te chuan Netherlands a asylum diltu tam lutuk titlem a nih theih nana nawrna nasa tak an tawk reng a. He party a right-leaning member te chuan an ram chu refugees tam lutuk in phurrit a siamsak tiin hei vang hian refugee lakluh theih chin tihtlem an duh a ni.
D66 leh party tenau zawk Christian Union te chu coalition ah progressive zawka ngaih niin PM Rutte chu a hmalakna an thlawp dawn loh thu leh Netherlands a refugee te tana harsatna siam chu an do thu an hrilh nghal a ni.
Engtin nge ni zel ang?
Dutch election comission chuan inthlanthat chu November thla laihawl velah neih theih a ni ang a ti a.
PM Rutte chuan November thlaa inthlanthat hma chuan sorkar chu a enkawl lailawk tur thu a sawi a. Chutih chhung chuan sorkar chuan hmalakna hrang hrang Ukraine thlawp te pawh a kalpui chhunzawm reng ang an ti bawk a.
“Coalition partner ten migration policy ah ngaihdan inang lo kan nei a. Kan ngaihdan inang lo te a nasat em avangin inremna kan siam thei lo a ni. Hei vang hian King hnenah banna ka thehlut ang” tiin PM Rutte chuan a sawi zui bawk.
Coalition sorkar hi Dutch media te chuan ‘Rutte IV’ an tihsak a, rang tak maia a kehchhia chu sawi hlawh niin kum khat leh a chanve bawr vel chauh sorkar theiin an awm a ni.
Mark Rutte hmalam hun?
Mark Rutte politics khwvel chu crisis hrang hrangin a nuai a ni a, Dutch history a prime minister ni rei ber ni thei a ni a. European Union ah pwh Hungary hotu Viktor Orban nena most senior leader an ni bawk a. Mahse, kumina inthlanah erawh Senate ah an che chhe hle a, Farmer-Citizen Movemnet (BBB) te chu Dutch upper house a party lian ber an ni zui thung.