Daily Newspaper

E. Bengal in ISL an khel dawn – Mamata

8

India rama football club hlun leh ropui, Kolkalta club lian East Bengal chuan 2020-21 season atangin Indian Super League an khel dawn niin West Bengal Chief Minister Mamata Banerjee chuan a sawi.

Hmeichhe rorum leh hriam, ram hruaitu tha tak Mamata hian nilaini khan East Bengal in ISL an khel tur thu hi a sawi a. ISL an khelhna tura kawng daltu zawng zawng chu tihfel niin, sut tlang a ni a, season thar atangin ISL-ah Red & Gold hi an inlan ngei tur thu a sawi.

India rama football khawpui Kolkata atangin ATK chu ISL club hlun an ni a, ISL a team hlawhtling ber an ni nghe nghe. ISL champion leh I League champion Mohun Bagan te chu an inchhunfin tawh a, ISL-ah inlan zui in, I League champion Mohun Bagan chu a tawp a, I League-ah hmuh tur an awm tawh dawn lo. Bagan leh ATK an inchhunfin hnu hian an Bagan elpui lian tak East Benal hi ISL khelh an chak phah sauh a, an tel theih dan kawng an dap. ISL khelh an tumna kawngah harsatna neuh neuh an nei a, an hma lam hun a chiang mai thei lo. Chief Minister Mamata Banerjee hma lakna zarah an tum ram an thleng dawn ta niin a lang.

ISL team thar ni turin East Bengal hian thuam that ngai leh hmasawnna tur tlem a zawng an la nei tih Mamata hian a sawi tel a. Thawk hova, inrawn tlang zel chungin hma an lak ho zel tur thu a sawi bawk. East Bengal official Debabrata Sarkar pawhin Mamata puihna tha tak zarah an harsatna sutkiana a awm thu a sawi ve bawk.

Covid 19 hripui leng vangin ISL khelh dan thlak danglam hlek a ni dawn a, khelmual hrangah hrangah khel lovin, Goa khawpuia khelmual pathum Jawaharlal Nehru Stadium, Fatorda, GMC Athletic Stadium, Bambolim leh Tilak Maidan Stadium, Vasco-ahte khelh zawh vek tum a ni.

(THE AIZAWL POST – Infiamna)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy