Daily Newspaper

EAM Jaishankar an Zhenhua Company te chhui chian tur ti

7

Congress leader K.C. Venugopal hnenah lehkhathawnin External Affairs Minister S. Jaishankar chuan Chinese company-in Indian sang tam tak politicians, bureaucrats leh journalist te online activity leh data a ‘enthlak’ chhui chiang tur expert committee din nghal a nih thu a hrilh.

He lehkhathawnah hian Shenzhen a inbun Zhenhua Data Information Technology Company tena dan kalha enthlakna an kalpui nia sawi chhui chiang tur National Cyber Security Coordinator hnuaia committee kimchang tarlan nia sawi a ni bawk.

Zhenhua te hian khawvel pumah mi maktaduai 2.4 te dossier database a siam nia sawi niin sorkar chuan Chinese Ambassador Sun Weidong chu he company chetvel dan kimchang sawifiah turin an ti nghal a. Zhenhua hi Chinese sorkar nena inzawmna nei lo ‘private company’ tiin a sawi nia sawi a ni bawk.

Venugopal hian Rajya Sabha-ah sorkar chu Zhenhua te chet lak dan Indian Express chanchinbuin a tarlan chu an hria em tia zawtin a chhuahchhal a, External Affairs Minister a\angin lehkhathawn a dawn ngei thu pawh a sawi bawk a.

“Chinese surveillance chungchanga zero-hour a ka sawi chhuah chu EAM Dr. Jaishankar chuan sorkar chuan a ngaih thutak em em thu leh expert committee din nghalin ni 30 chhungin an enfel hman tur thu min hrilh a. Chak taka hma an lak kan beisei a ni,” tiin Venugopal chuan a sawi.

Beijing-ah erawh Chinese Ministry of Foreign Affairs te chuan Zhenhua activity hi thlawp nghal thungin, “Company te hian private company an nih thu an sawi chiang a, an clients te pawh research institutions leh business group te an ni. Data lakkhawm aiah online-a langtlanga awm data mobilize an tawk zawk a ni. Cyber security humhim duh kan nih angin China chuan cyber crimes tiin hnawlin a beilet zawk a ni,” tiin Wang Wenbin, Chinese MFA thupuangtu chuan a sawi.

Ninagni khan Rajya Sabha-ah Congress hruaitu KC Venugopal chuan Zhenhua te chetdan Indian Express report a sawi chhuak a ni.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy