Daily Newspaper

East India Company her lumin West India Company kan hmu

36

Congress leader Rahul Gandhi chuan farm law thar chu loneitu avanga duhloh mai tur ni lovin ram hmalam hun atana duh loh ngai a nih thu sawiin ‘loneitute lunga vih ang a ni’ tiin a sawi.

India ram hmun hrang hranga loneitute nena inkawmhona an neihah GST leh noteban te kha loneitute beihna a ni tawh a, tuna dan thar ngat hi chu chhe leh zual a ni, a ti bawk.

Gandhi chuan farm law thar hmang hian East India company culture thin kha tun huna kalpui tum lehna tiin ‘West India company’ kan hmu ta a ni tiin a sawi bawk.

“GST, noteban leh heng dan pathumte hian danglamna a nei lo. A danglamna awm chhun chu hei hi chuan chemte in in thinlungah tak a vih vang a ni,” tiin loneitute nena virtual meeting an neihnaah a sawi.

“Hei hi chiang taka dodal tur a ni a. Loneitute tan chauh ni lo, India hma lam hun atana ngai a ni” tiin darkar 11 dawn social media a video phochhuahah chuan a sawi.

Congress-te chuan farm law thar hi an duh lo hle a, ram pumah dodalna lantirin Punjab leh Haryana-ah chuan farmers’ union ten lungawilohna an lantir nasa hle bawk.

“Loneitute hian chakna nasa tak an nei. He an aw hmang hian India-in independence a sual chhuak a, tunah pawh loneitute atang thovin India-in zalenna a hmu ang” tiin Gandhi chuan a sawi bawk.

Congress chief chuan Uttar Pradesh a Bhatta Parsaul village a kum 2011 a padyatra a neihnaah sumdawng lian te chuan loneitute ram chu an duh tih a hriat thu a sawi a.

“Ka beih hmasak ber chu land acquisition a ni a, media pumin min beilet a ni,” tiin a sawi bawk.

“Hei hi black money beihletna a ni an ti a, mahse a dik lo. A tum ber chu unorganised sector leh rethei, loneitu leh labourer te tichahkloh a ni zawk” tiin Gandhi chuan a sawi bawk.

Champaran, Bihar a loneitu Dhirender Kumar chuan loneitute chu heng dan hmang hian derthawng taka siam niin riltama intihhlum a thlen tur thu a sawi a. Kum 2006-a Bihar a APMC Act hnawl tawh kha State-ah hman leh ni se, a ti bawk a.

Maharashtra loneitu Ashok Bootra chuan tute mahin minimum support price (MSP) a thlai an lei loh tur thu a sawi bawk a. “Loneitu lungawilohna lantirte hi Lung Inah khung an nih mai ka ring. Kum 1840 khan East India company chuan England atangin cotton man an bithliah a, kha mi rate khan khawvelin an lei a ni. Mahse, sumdawngte chuan a man tur a hma daihin an lo hre lawk tawh thin,” tiin a sawi bawk a.

“East India Company in sumdawnna an kalpui dan ang kha tunah kalpui leh mek niah ka ngai. Loneitu leh sumdawngte nau te ruksak an ni ang a. Loneituten an thlai thar te man thaa an hralh theih loh chuan mahni intihlum an pung ang,” tiin Bootra chuan a sawi bawk.

Congress leader chuan Covid-19 pandemic lai pawhin pawisa mirethei hnena pe lovin mi hausa sumdawngte hnenah pek an nih zawk thu a sawi bawk.

Rahul Gandhi-a’n engtianga hmalak nge an tum zel a zawhnaah Jhajjar a loneitu Om Prakash Dhankar chuan, “Engkim kan hralh ang a, a vaiin sumdawng lian Adani leh Ambani te hnenah kan hralh vek ang a, keini min chhawrin an hna kan thawk ang,” a ti a, “British rorelna chhawm nungin ram hi an tichhia anga engkim an privatise vek ang,” tiin a sawi bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy