Election Commission of India (ECI) chuan rampuma state tina State Level Media Cell on Election chu inbiak hmuh theihna hmangin inthlan chungchanga thil pawimawh leh a bikin media/ social media hman tangkai dan tur an sawipui.
Mizoram State Media Cell nodal officer, addl chief electoral officer H Lianzela hoin member dang – deputy CEO Henry C Lalrawnkima, I&PR deputy director Mina Zoliani, addl. SP (Tech) CID (Crime) Zonun Sanga, ICT senior informatics officer Vanlalringa leh programmer H Vanlalruatfeli te pawhin an chhim a ni.
ECI chuan media/ social media kaltlanga mipui hnenah inthlan chungchang inzirtir leh a bikin a vawikhatna atana vote thlal thei tur leh thalaite chu inthlanah phur taka an tel theih nan kaihhruai an pawimawh tih an sawi. State tina Media Cell-te chuan tunlai khawvel mila voter-te an hriat tur hrilhhriat leh zirtir lamah nasa lehzuala hma la turin an chah a ni.
ECI-in Media Cell an kawm
