Ecuador jail tangte
inbeihnaah mi 15 thi
Ecuador rama jail, tharum thawhna thleng nasa thin takah inbeihna thleng lehin, tang 15 an thi a, mi 14 in hliam an tuar bawk.
Ecuador prison service SNAI chuan he thil thlenna hmun hi Guayaquil khawpuia El Litoral jail-ah a nih thu an sawi a, tunah chuan security ten buaina chu an thunun leh tawh thu an sawi.
A bul hnaia awmte sawi danin jail chhunga buaina a chhuah lai hian silai ri pawh hriat tur a awm a, jail tangte hian hmanrua an nei tha hle nia sawi niin, a hnuah police duty tam zawk lutin buaina chu an hmetmit ta niin an sawi a ni.
Thuneitute chuan thite chungchang hi chipchiar takin an la tarlang lo a, inbeihna rapthlak tak thlen chhan erawh an chhui chian mek thu an sawi.
El Litoral jail-ah hian gang insualna hi lo thleng fo tawhin, nunna chan an tam ber tum chu September 2021 kha niin, tang 120 in an lo thih phah tawh a ni.
Ecuador jail tangte inbeihnaah mi 15 thi
