Daily Newspaper

Editorial:- Thupui

44

Health minister chuan Covid-19 hrileng donaa hmalaknaah tihsual leh tihfamkim tawk loh an neihah ngaihdam a dil thu tunhnai khan a sawi chhuak a.

Ngaihdam dil ngam hi a huaisenthlak a, ngaidam theitu nih pawh a huaisenthlak bawk. Chumi awmzia chu, mi huaisente chuan a \ul hunah ngaihdam an dil ngam a, mi huaisente vekin a \ul hunah chuan an ngaidam thei bawk, tihna a ni.

Covid-19 hrileng dona kawngah, khawvel ram changkang leh thiltithei zawkte pawhin tihsual an nei pheng phung hlawm a, thil thar a ni a, tun thlengin he hri nihphung hi an la zir chhuak lova, vaccine pawh siam theih a la ni lo. Keini ram hnufual zingah pawh state pachhia leh hnufual ber mai tan phei chuan, tihsual lo awm phing pheng pawh ni se, a mawh lo ve. Chuti chung chuan, India ram state zingah Covid-19 donaa a ti \ha pawl berte zing ami kan la ni thei zawk hi, ram hruaitute an fakawm hle zawk a. Tihsual palh a lo awm pawhin, daihriat la awm hman lo thil a nih avangin indem hleih theih pawh a ni lo va; \hahnemngaihna avanga ‘kan chuti khati lo’ han intih te hi chu awm lo thei a ni lova, chu chu indemna lam ni lovin, \hahnemngaihna vang liau liau a nih a rinawm.

Mizoram Congress president pawhin, kan la tawn ngai loh thil a nih avangin sawrkar tan pawh inbuatsaih dan thiam a harsa a, a duh tan chuan sawisel leh demna tur a awm pawh a ni thei a; mahse, sawrkar hi puihbawm a pawimawh a ni, tiin a lo sawi tawh a. Hetianga sawi chhuak thei ram hruaitu hi a chhuanawm hle bawk a ni.

Tun hrileng hi chu thuhran lo ni ta se. Ram hruaitute hian ram an kaihhruaina kawngah hian tihsual tam tak an nei tawh a, tih \hat tam tak pawh an nei bawk. Ram hruaitute tihsual lian tak pakhat chu, ei leh bara intodelh thei lova tun thlenga mipui an la kaihruai hi a ni awm e. Chu chu a pawizia tuna hrileng hian a rawn hai lang ta chiah a. He hrileng hi lo awm lo palh ta se, tuna hmalakna tam tak hi chu hmuhtur a la awm lo hial maithei. Ram hruaitute hian ‘kan ti ang’ an tih hi an tipuitling lo a nih chuan, chu chu an thil tihsual lian tak a ni a, mipui hnenah ngaihdam dil pawh ni se, ngaihdam dilna awm tak a ni awm e. Eng sawrkar mai pawh hian, sawrkar dang chhunzawm ngei ngei tlaka ram hnuk khawih thil ‘policy’ bawhzui tlak leh bawhzui theih an la duang chhuak thei lo a nih chuan, chu chu ngaihdam dilna awm tak a ni bawk awm e.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy