Kum upat deuh tawh hnua chaw ei tawk tawk hian kan hriatna (memory) kan hloh duh niin mithiam ten an sawi tlat mai.
Kum 2006 atang khan Mayo Clinic chuan zirchianna a lo nei tan tawh a, Olmsted County, Minnessota-a mi 1,233, kum 70 leh 89 inkar dementia (rilru lam buaina) nei lo vek an ni a, an ei leh in dan te tehin, questionaire te an chhan tir a ni.
Zirchianna neitu te huan heng mi 1,233 te hi an questionaire chhan dan atangin an nitin calorie lakluh tam dan a zirin group thumah anthen leh a- nitin 600-1,526 calorie la lut te, 1,526 – 2,143 calorie lalut te leh 2,143 – 6,000 calorie lalutah te an then hrang leh a ni.
Tichuang heng group hrang hrang ami te hi MRI brian scan leh cogntive test a mal te tein an nei leh vek. He test result leh an calorie lakluh tam dan (calorie chu kan ei leh in atanga kan taksain a lo dawn a ni) te chuan inzawmna a nei em, tiin an zirchiang leh ta a, calorie 2,143 – 6,000 chin la lut ho chuan midang aiin a let hnihin MCI (mild cognitive impairment, tlema tlema hriatna hloh) neih theihna risk an nei sang bik niin an sawi.
He zirchianna chungchang hi Scientific American-ah tihchhuah a ni.
Eitawk ten hriatna an hloh
