Daily Newspaper

Election Commissioner atan Finance Secretary hlui Rajiv Kumar ruat

8

Finance Secretary hlui Rajiv Kumar, PM Narendra Modi pet project hrang hrang enkawltu ber thin chu Election Commissioner atan Ashok Lavasa aia ruat a ni.

1984 batch Jharkhand cadre IAS officer Rajiv Kumar hian 31st August, 2020 a Election Commissioners atanga bang tur Ashok Lavasa a thlak dawn tiin Ministry of Law and Justice chuan hriattirna a chhuah a.

Lavasa hian kar kalta Thawhlehni khan Election Commissioner atanga a banna President hnenah a thehlut a, hei hi Asian Development Bank Vice President atana ruat a nih vang a ni.

Kumin April khan Appointments Committee of the Cabinet chuan Rajiv Kumar hi kum thum chhung atan Public Enterprises Selection Board Chairperson atan an ruat chauh bawk a.

Rajiv Kumar hi Finance Ministry leh Ministry of Personnel a awm laiin banking bakah bureaucracy reforms kalpuia meizang-hlaptu bera ngaih niin public sector bank 10 te pali-a chhunfinah pawh a sulsutu nia sawi a ni.

Finance Secretary a nih hma pawhin sorkar officer rin ber zinga mi niin Modi flagship shceme Pradhan Mantri Jan Dhan Yojana, Mudra loan scheme te kalpuinaah pawh a sulsutu a ni bawk.

(THE AIZAWL POST – Ramchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy