Daily Newspaper

Electric current man tlangval thi

5

Armed Veng mi F. Lalzoliana (30) chu electric current-in a man avanga damdawi ina enkawl a nih hnu ah a hliam tuar loin September 3, 2020 khan a thi a, September 4 khan vui a ni.

Thudawn danin, F. Lalzoliana (30) hi kumin August 26 khan an kohhran (UPC-NEI) lama a rawngbawlpuite nen, an (revival) Team speaker Pastor J. Lalhmingsanga te in sak Thuampui Veng Aizawla an sak mek enpuiin an kal a. In sak lai mek hi 11 kV line nen a inhnaih avangin, a chung slab chhunlai pawh engemawchen chhunzawm loin, line sawn huna chhunzawm atana tih a ni.

Hetia in sakna hmuna an titi ho mawlh mawlh lai hian an bul maia 11 kV line chuan Lalzoliana hi manin nikhaw hreloin a awm nghal a, a rang thei ang bera damdawi in panpui niin Ebenezer Medical Centre ICU-ah dahluh a ni. Thatlam pan zel tura beisei a nih laiin September 3 chawhnu dar 3 khan a thi a ni.

Amah hi Mizoram Baptist Kohhran enkawl Academy of Integrated Christian Studies (AICS) a BD zirlai a ni a, kum 2017 atangin AICS-ah BD a zir tan a, tunah hian final year (BD IV) niin, exam a hmachhawn lai mek a ni.

(THE AIZAWL POST – Tualchhung)

The Aizawk Post

Full>> ePaper Subscribe

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More

Privacy & Cookies Policy